25 de out. de 2013

Lendo a Charlotte Brontë

Actores da versión fílmica de 2011
   Este primeiro trimestre estamos lendo a novela da xenial escritora Charlotte Brontë, Jane Eyre. Ó mesmo tempo estamos vendo as versións cinematográficas de 1997, a versión de 1996 e a de 2011 e realizando unha comparación coa novela.
   Polo momento, a que máis está gustando é a de 1996 posto que a do ano 97 resulta moi teatral (segundo as opinións do grupo dos lectómanos) e a de 2011 parécelles máis difícil de entender polos constantes flash-backs. 
   A serie de 1883 da BBC a estamos empregando para comparar só algunhas escenas puntuais e como exemplo de ritmo máis lento na narración dos feitos. 
   A versión de 1944 serviunos tamén para algunha escena moi concreta e para que os alumnos/as fosen conscientes da evolución que sufrira o cine dende esa época.
   Ó rematar a novela reflexionamos dun xeito máis profundo sobre ela levando a cabo unha serie de redaccións nas que se desenvolveron os temas que se recollen neste documento.