DE CABALOS E CINE

Seguimos namorados dos cabalos; e dándolle continuidade ao noso xa histórico proxecto de CEIBES NO MONTE, tentamos especializar a nosa biblioteca nesta temática. Así, un grupo de mozas e mozos de 2º da ESO, animados pola súa titora veñen desenvolvendo un miniclub de lectura en torno ao cine e o cabalo. Neste momento están a ver War Horse, película de Steven Spilelberg onde un mozo e o seu cabalo loitan por sobrevivir na primeira gran guerra (1914-1918) e no que se pon de manifesto a importancia que este nobre animal tivo na contenda.

CALIGRAMAS

Pois aquí tendes algúns  caligramas.

 

30 de xaneiro. DÍA DA PAZ .

En biblioturonia significamos o DÍA DA PAZ cun pequeno mural coa poesía de fondo. O alumnado de cuarto, animando pola súa profesora de Galego, deixounos algúns caligramas.

OS BIBLIOCARROS

Velaí tendes os nosos bibliocarros. Levan connosco varios anos xa, pero acaban de seren tuneados para mellor cumprir coas súas obrigas e funcións: levar lectura exprés alí onde faga falta.

Que me pilla a LECTHORA de improviso: bibliocarro.

Que nunha garda non se nos ocorre outra: bibliocarro.

Que nos entran unhas ganas irreprimibles de... ler: bibliocarro.

Que estamos moi contentos (case sempre), pois bibliocarro.

En fin, que ademais de carros de vacas e de bólas, aquí en Gondomar tamén temos carros de libros.