16 de out. de 2017

Hoxe na biblioteca: Obradoiro de inquedanzas "Arde a nosa terra"

      Hoxe, os rapaces e as rapazas de Gondomar necesitaban falar e exteriorizar os seus sentimentos sobre os feitos tan graves que veñen de sufrir cos incendios que cercaron as súas vilas: o medo por ver arder as os seus fogares, a xenreira polo sufrimento da xente intentando sofocar as chamas, a magoa e a impotencia polos animais que non poideron salvar...

      Estes son os debuxos das árbores que non verán medrar porque se perderon para sempre no lume. Dentro de esas árbores están os sentimentos dos nosos nenos e nenas nestes días de loito no que arde a nosa terra, #ardeGalicia


      Esta é a nosa particular homenaxe neste día tan triste.



















21 de set. de 2017

Novo Club de Lectura sobre as Lendas e as Rimas de Bécquer

     Inauguramos un novo club de lectura virtual sobre as Rimas e as lendas de Bécquer. 

      Poderás acceder entrando neste enlace. Para poder participar só necesitas unha conta de Google.

5 de xuño de 2017

Únete ó noso club de lectura virtual sobre La casa de Bernarda Alba

Entrando neste enlace accederás ó noso Club de Lectura Virtual sobre a obra de teatro de Federico García Lorca: La casa de Bernarda Alba. 
     Poderás acceder ó texto completo da obra e a cuestións para debater sobre el cos teus compañeiros/as. Anímate a participar!

18 de abr. de 2017

Obradoiro de cómics

     Comezamos o terceiro trimestre cun obradoiro de cómics con Pixton, unha ferramenta online que combina texto e imaxe. 

     Aquí están algunhas das creativas creacións do alumnado.




 

22 de mar. de 2017

Europa Express

     
     Europa Express, de Andrea Maceiras é a novela que estamos traballando no Club de Lectura

     Mentres viaxamos da man dos seus personaxes imaxinamos como sería se nós, como grupo, tamén fixéramos unha viaxe por Europa. 

     Decidimos visitar Londres, Suíza, Mónaco, Rusia e ir no Transiberiano, camiñar pola Acrópole e perdernos polas rúas de Roma. Nestes enlaces están as historias que imaxinaron as rapazas e os rapaces do grupo de 2º ESO.

8 de mar. de 2017

Programa de radio especial 8 de marzo: Día Internacional da Muller.

     Velaquí o programa que emitimos hoxe en directo co grupo de 2º PMAR sobre o Día Internacional da Muller. 

     Falamos de ilustres loitadoras polos dereitos das mulleres ó longo da historia e do machismo que aínda existe na actualidade. Este é un enlace ó guión

     Magnífico traballo o de Noelia, Laura, José Manuel, Fernando, Anxo e Rubén! Feliz día a todas e todos!


 
Directo de Radio Turonio - Especial 8 de Marzo... por terradeturonio

23 de feb. de 2017

Obradoiro sobre as rimas de Bécquer


      Hoxe fixemos co club de lectura "Poetizar" de 1ºESO un obradoiro de poesía na biblioteca sobre as rimas Bécquer. Os resultados foron sorprendentes: atopamos grandes poetas!

     Profundamos na breve vida deste autor, no significado da súa obra e lemos as súas rimas. Tamén fixemos fincapé nos recursos retóricos que se empregaban neses poemas: as hipérboles, os paralelismos, as metáforas... Destacamos o xeito tan sinxelo e auténtico no que expresaba o sentimento amoroso, a búsqueda do amor ideal...

     Despois imaxinamos historias de amor ou desamor inspiradas polos poemas. Tamén creamos novas rimas e ilustramos todo este sentimento con algúns debuxos. Velaquí o interesante resultado:





















14 de feb. de 2017

Celebramos o Día Mundial da Radio

     Para celebrar o Día Mundial da Radio no IES Terra de Turonio emitimos durante o longo de todo o día 13 varios programas de radio con gran participación do alumnado, profesorado e o resto da comunidade educativa. 

     Dende Biblioturonia co grupo de 2º PMAR elaboramos un podcast moi especial dedicado a Carlos Casares, á súa obra e á súa pegada na cultura e lingua galega. Este podcast forma parte dos programas emitidos o Día Mundial da Radio pero subirase á rede nun canal que crearemos no Kiosko virtual de audios Ivoox.



     Este escritor é o homenaxeado este ano o Día das Letras Galegas. Na biblioteca realizamos unha serie de carteis cos aspectos máis destacados da súa obra e da súa biografía.