BIBLIOTECA DE GALICIA

Dende o mes de xaneiro, está aberta ao público a Biblioteca de Galicia, na polémica e controvertida Cidade da Cultura de Galicia que se ergue no Monte Gaiás de Santiago de Compostela. O arquitecto de edificio tan grande é o norteamericano Peter Eisenman que nos deixou, entre outras cousas ese inmenso tobogán que vedes na foto. Ben merece unha visita por dentro e por fora.

UN FOGUETE EN BIBLIOTURONIA.

Todos coñecemos esta imaxe. Por que sae hoxe no noso blog? Porque xa que estamos a leriar cos libros de animais e de viaxes, pensamos en animar un pouco Biblioturonia cunha reprodución do foguete de "Obxectivo: a Lúa" das Aventuras de Tintín de Hergé.


Consultados os planos para a construción no propio álbum de Hergé acordamos na reunión celebrada hoxe, mércores 2 de febreiro, simplificar o deseño e realizalo con materiais de desfeita: papel e cartón, que a pesar de ser inflamables, cumprirán o seu cometido porque non pensamos chegar á Lúa con el.


O tamaño tamén será menor que o representado na viñeta, e aínda así utilizaremos técnicas modulares de construción. Veremos se despega e aterra finalmente en Biblioturonia.

30 de xaneiro. DÍA ESCOLAR POLA PAZ.

Reunión mércores 19 de febreiro.

Pois efectivamente, xuntámonos as de 2º e 3º para preparar un programa de radio para emitir en Radioturonio. Como falaremos de libros e de lecturas, acordamos facelo para o Día do libro, o 23 de abril. Pero ese día estaremos de vacacións, así que as programadoras de Radioturonio reserváronnos o mércores 13 para a nosa emisión. Ahí estaremos.

CONVOCATORIA MÉRCORES 19 DE XANEIRO

O vindeiro mércores 19 de xaneiro xuntarémonos as de segundo para comezar a preparar o programa de radio. Se algunha non pode que se poña en contacto coas demais.

LA LLAMADA DE LO SALVAJE.

Gustaríache ter un can como Buck ? Pensas que os cans poden ter pensamentos, lembranzas e sentimentos como os que se describen no libro? Os teus comentarios gústannos. Déixaos aquí.

MITOS GRIEGOS

Gustouche o libro? Que parte é para ti a máis interesante? Deixa aquí os teus comentarios.

A REVOLTA DOS ANIMAIS

Podemos facer aquí os comentarios sobre este libro.

Acabouse o Nadal.

E con el tamén acabaron as vacacións. Como case todas e todos lemos xa algún dos libros propostos, recordar que podemos facer o cambio directamente entre nós, rexistrando o troco na biblioteca, ou devolvéndollo ao profe (Antonio), que nos dará outro en canto sexa posible.

BIBLIOBURRO.

Nalgúns lugares teñen dificultades para poder ler un libro, pero a imaxinación e a forza humanas non teñen límite.